“Tadbirkor ayol – barkamol avlod bunyodkori!”

Shu kunlarda mamlakatimizning barcha xududlarida Eng ulug' va eng aziz bayram, Mustaqilligimizning 23 yilligi keng nishonlanmoqda. Joylarda mazkur sanaga bag'ishlab, “Yagonasan, muqaddas Vatanim, sevgi va sadoqatim senga baxshida go'zal O'zbekistonim!” shiori ostida turli tadbirlar tashkil etilmoqda. Anashunday tadbirlar Surxondaryo viloyatining Oltinsoy, Muzrobod va Qiziriq tumanlarida tashkil etildi.

O'zbekiston Respublikasi Markaziy banki, O'zbekiston Xotin-qizlar qo'mitasi va “Mikrokreditbank” aksiyadorlik tijorat banki hamkorligida “Tadbirkor ayol – barkamol avlod bunyodkori!” nomli yangi loyiha doirasida o'tkazilgan mazkur tadbirda viloyat va tuman hokimliklari, Xotin-qizlar qo'mitasi, tijorat banklari mutasaddi xodimlari, shuningdek keng jamoatchilik vakillari ishtirok etishdi.

Ma'lumki, Prezidentimiz tashabbusi va 2006-yil 5-maydagi Farmoni asosida faoliyat yuritib kelayotgan “Mikrokreditbank” aktsiyadorlik tijorat banki o'tgan davr mobaynida ko'plab yurtdoshlarimiz, ayniqsa xotin-qizlarni tadbirkorlik faoliyatiga jalb qilish, ularni moliyaviy qo'llab-quvvatlash, konsalning xizmatlari ko'rsatish barosida samarali faoliyat yuritib kelmoqda.

Mazkur tadbirda ko'zlangan asosiy maqsad ham Respublikamizning chekka tumanlarida ayollar iqtisodiy imkoniyatlarini kengaytirish, ehtiyojmand oilalarga daromad manbalarini yaratishda ijtimoiy yordam ko'rsatish imkoniyatlarini kengaytirish maqsadida viloyatning Oltinsoy, Muzrabod, Qiziriq kabi tumanlarida boshlang'ich sarmoya mikrokreditlariga ehtiyojmand bo'lgan ayollarni aniqlash, tadbirkorlik asoslariga o'qitish, ularga guruh kafilligi asosida mikrokreditlar ajratish ishlarini tashkil etishga qaratilgan.

Maqallamizda qo'li gul, chevar ayollarimiz juda ko'p, – deydi Qiziriq tumani Zartepa maqalla fuqarolar yig'inida yashovchi Dilfuza Boymatova. – Biroq tadbirkor sifatida ish boshlash, zamonaviy tikuv uskunalari xarid ?ilishimiz uchun mablag' masalasi biroz qiyinchilik tug'dirardi. Shu bois “Mikrokreditbank” tomonidan hech Qanday ta'minotsiz guruh kafilligi asosida mikrokreditlar ajratilishi biz uchun ayni muddao bo'ldi.

Tadbirda so'zga chiqqanlar xukumatimiz tomonidan xotin-qizlarning tadbirkorlik faoliyatiga jalb qilish, kerak bo'lsa ayollarning o'z qobiliyat va imkoniyatlarini ro'yobga chiqarishlari uchun zarur shart-sharoitlar yaratish, oilaning ijtimoy-maishiy shart-sharoitlarini yaxshilash, iqtisodiy va ma'naviy asoslarini mustah?kamlash borasida puxta o'ylangan holda olib borilayotgan siyosat natijada bugun jamiyatimizda faol va tadbirkor ayollar safi nechog'lik kengayib borayotganini e'tirof etdilar.

Tadbir doirasida Xatin-qizlar qo'mitasi bilan hamkorlikda qishloq ayollarining imkoniyatlarini kengaytirish, ehtiyojmand oilalarga daromad manbalarini yaratish va ularga ijtimoiy yordam ko'rsatish maqsadida o'zaro yordam gurulari tuzilib, 150 nafar qishloq ayollariga tadbirkorlik faoliyatini yo'lga qo'yishlari uchun imtiyozli sarmoyalar ajratildi.

Manba: O‘zbekiston Milliy axborot agentligi (O‘zA)