Bank tomonidan amalga oshirilayotgan vazifalar sarhisobiga bag‘ishlandi

Currency	Purchase	Sale	CBU
USD	12040	12190	12136.92
EUR	13500	14200	14191.7
RUB		160	159.99
GBP	15700	16700	16316.88
CHF	14500	15500	15297.35
JPY	70	100	76.48

Bugun Milliy matbuot markazida “Mikrokreditbank” aksiyadorlik tijorat banki tomonidan joriy “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirilayotgan ustuvor vazifalar va erishilgan natijalar sarhisobiga bag‘ishlangan matbuot anjumani o‘tkazildi.

Tadbirda “Mikrokreditbank” ATB Boshqaruvi raisi o‘rinbosari A.Nizamov, bank departament direktorlari va ommaviy axborot vositalari vakillari ishtirok etishdi.

Ma’lumki, O‘zbekiston Respublikasi Prezidenti tomonidan qabul qilingan “Respublika bank tizimini yanada rivojlantirish va barqarorligini oshirish bo‘yicha chora-tadbirlar to‘g‘risida”gi 2017 yil 12 sentyabrdagi PQ-3270-sonli hamda joriy yilda “Bank xizmatlari ommabopligini oshirish bo‘yicha qo‘shimcha chora-tadbirlari to‘g‘risida”gi PQ-3620-sonli, “O‘zbekiston Respublikasi aksiyadorlik tijorat Xalq banki va “Mikrokreditbank” aksiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari to‘g‘risida”gi PQ-3694-sonli qarorlari bank tizimida olib borilayotgan islohotlarning ijrosi izchil davom ettirilmoqda.

Ayni paytda bankning 86 ta filiali va 75 ta mini-banklari respublikamizning barcha mintaqalaridagi 1,2 mlndan ortiq (924 mingdan ortiq bank plastik kartochkalari egalari) aholi hamda tadbirkorlik subyektlariga bank xizmatlaridan foydalanish imkoniyatini ta’minlamoqda.

“Mikrokreditbank”ATB tomonidan joriy yil boshidan 955,7 mlrd. so‘m miqdorida kredit ajratilishi ta’minlandi. Shu jumladan, hududlarni ijtimoiy-iqtisodiy rivojlantirish Dasturlariga kiritilgan 237 ta loyihaga 65,8 mlrd. so‘m, O‘zbekiston Respublikasi Prezidentining 2017 yil 12 sentyabrdagi “Aholining kam ta’minlangan qatlamlarini qo‘llab-quvvatlashga oid qo‘shimcha chora-tadbirlari to‘g‘risida”gi PQ-3268-sonli qaroriga muvofiq aholi bandligini ta’minlash maqsadida 7 572 ta fuqaroga jami 82,7 mlrd. so‘m, Shuningdek, O‘zbekiston Respublikasi Prezidentining 2017 yil 17 noyabrdagi “Hunarmandchilikni yanada rivojlantirish va hunarmandlarni har tomonlama qo‘llab-quvvatlash chora-tadbirlari to‘g‘risida”gi PF-5242-sonli Farmoniga muvofiq, 4 252 ta mijozga 118,8 mlrd.so‘m kreditlar ajratildi.

O‘zbekiston Respublikasi Prezidentining 2018 yil 7 iyundagi “Har bir oila – tadbirkor” dasturini amalga oshirish to‘g‘risida”gi PQ-3777-sonli qaroriga asosan 1,2 mlrd. so‘m, tadbirkor ayollarni qo‘llab-quvvatlashga 85,2 mlrd. so‘m, kasb-xunar kollejlari bitiruvchilariga tadbirkorlik faoliyatini amalga oshirish uchun kreditlar 9,8 mlrd. so‘m, oilaviy tadbirkorlikni qo‘llab-quvvatlashga 12,3 mlrd. so‘m, xizmat ko‘rsatish va servis sohasini rivojlantirish uchun 395,0 mlrd. so‘m, oziq-ovqat mahsulotlari ishlab chiqarishni kengaytirish va ichki bozorni to‘ldirish uchun 38,0 mlrd. so‘m, mahalliy nooziq-ovqat iste’mol tovarlari ishlab chiqarish kengaytirilishini rag‘batlantirish uchun 207,4 mlrd. so‘m kreditlar ajratildi.

Bank tomonidan xorijiy kredit liniyalari orqali tadbirkorlikka moliyaviy ko‘maklashish, chet el banklari tajribasini o‘rganish ishlariga ham alohida e’tibor qaratildi, Jumladan Qishloq xo‘jaligini rivojlantirish xalqaro fondi (IFAD)ning “O‘zbekistonda sutni qayta ishlash tarmog‘ida qo‘shilgan qiymat tizimini rivojlantirish” loyihasi doirasida 3,3 mln. AQSH dollari miqdoridagi mablag‘larni jalb qilish bo‘yicha shartnoma imzolangan bo‘lib, hozirgi kunda loyihaning o‘zlashtirilgan 1,2 mln. AQSH miqdoridagi mablag‘lari hisobidan Qashqadaryo va Jizzax viloyatlarida tadbirkorlarga kreditlar ajratilmoqda. Joriy yilda ushbu mablag‘lar to‘liq o‘zlashtirilishi ko‘zda tutilgan.

Jumladan, Xususiy sektorni rivojlantirish Islom korporatsiyasining 12,0 mln. AQSH dollari miqdoridagi kredit liniyasining ikkinchi bosqichi bo‘yicha kelishuvi imzolandi hamda respublikamizning barcha hududlarida mazkur mablag‘lar evaziga kreditlar ajratish yo‘lga qo‘yildi. Bugungi kunga qadar ushbu mablag‘lardan 4 270 ming AQSH dollarlik qismi to‘liq o‘zlashtirilgan bo‘lib, yana 3 066 ming AQSH dollari miqdoridagi loyihalar bo‘yicha hujjatlar tashabbuskorlar tomonidan shakllantirilmoqda.

Turkiyaning ilg‘or tajribasini bank tizimida joriy qilish maqsadida mazkur mamlakatning Kichik va o‘rta biznesni rivojlantirish va qo‘llab-quvvatlash departamenti (KOSGЕB) bilan hamkorlik Memorandumi imzolandi.

Shuningdek, Bank Boshqaruvi a’zolaridan iborat delegatsiya joriy yilning 28 aprel kuni Italiyaning Fodjia shahrida bo‘lib o‘tgan “Qishloq xo‘jaligi va zootexnika bo‘yicha Xalqaro yarmarka”da qatnashdi. Unda quyon go‘shti mahsuloti yetishtirish uchun ishlab chiqarishning tizimli shaklini yanada rivojlantirish, go‘sht va mo‘ynachilikka moslashtirilgan zotdor quyonlar boqish, go‘sht va terini qayta ishlash, tayyor mahsulot xolatiga keltirish va eksport qilishning yahlit tizimini joriy qilish masalalari muhokama qilindi.

Italiyaning bu boradagi tajribasini o‘rganish va joriy qilish maqsadida joriy yilning 2 avgust kuni Italiya quyon yetishtiruvchilar assotsiatsiyasi va Pyachensa universitetining genetika bo‘yicha mutaxassislari ishtirokida Buxoro shahrida quyonchilik sohasini sanoat usulida rivojlantirish bo‘yicha seminar tashkil etilishi ko‘zda tutilgan.

Bank Matbuot xizmati

Vote