Mikrokrеditbank Italiya quyon yetishtiruvchilar assotsiatsiyasi bilan hamkorlik mеmorandumi imzoladi

Currency	Purchase	Sale	CBU
USD	12130	12220	12190.57
EUR	13800	14310	14303.2
RUB		160	157.48
GBP	16000	17000	16302.45
CHF	15300	16300	15786.8
JPY	50	100	77.64

Bugun poytaxtimizdagi Radisson Blu mehmonxonasida “Mikrokreditbank” aksiyadorlik tijorat banki tomonidan respublikamizda qo‘yon go‘shtini sanoat usulida yetishtirish masalalariga bag‘ishlangan anjuman o‘tkazildi.

Mazkur anjuman doirasida “Mikrokreditbank” ATB va Italiya quyon yetishtiruvchilar assotsiatsiyasi o‘rtasida qo‘yonchilik sanoatini yanada rivojlantirish yuzasidan o‘zaro hamkorlik olib borish bo‘yicha Memorandum imzolandi.

Ushbu hamkorlik quyonlarni boqish texnologiyalari, tadbirkorlar va aholiga nasldor quyonlarni sun’iy qochirish va uzluksiz veterinariya xizmatlari ko‘rsatish tarmog‘ini kengaytirish, quyonchilik mahsulotlarini yetishtirish,quyonchilik genetikasi, ko‘payishi va fiziologiyasi, quyon go‘shti va mo‘ynachilikga moslashtirilgan yangi quyon zotlari urug‘lantirish uchun tizimli ishlarni tashkil etishni o‘z ichiga olgan.

Tadbirda “Mikrokreditbank” ATB Boshqaruvi raisi Otabek Almardanov, Italiya quyon yetishtiruvchilar assotsiatsiyasi direktori Migel Shiavitto, Italiyaning O‘zbekistondagi favqulodda va muxtor elchisi o'rinbosari Fabrizio Bielli, O‘zbekistonning Italiyadagi favqulodda va muxtor elchisi Otabek Akbarov hamda ommaviy axborot vositalari vakillari ishtirok etdi.

Ma’lumki, keyingi yillarda “Mikrokreditbank” ATB tomonidan yurtimiz aholisining go‘sht va go‘sht mahsulotlariga bo‘lgan ehtiyojini qondirish maqsadida quyon go‘shtini yetishtirishni moliyalashtirish borasidan samarali ishlar olib borilmoqda. Ayni paytda bu borada ishlab chiqarishni tizimli shaklini yanada rivojlantirish, go‘sht va mo‘ynachilikka moslashtirilgan zotdor quyonlar boqish, go‘sht va terini qayta ishlash, eksport qilishning yahlit tizimini joriy qilishni taqazo etmoqda.

Bugungi kunda jami 56 ta quyonchilikka ixtisoslashgan agrofirmalar hamda ushbu sohani rivojlantirish istagini bildirgan 65 ta tashabbuskor korxonalar tashkil etildi. 2015-2018 yillar davomida bank tomonidan ushbu agrofirmalarga 31,3 mlrd.so‘m, aholiga xonadonda quyon boqish uchun 3,6 mlrd.so‘m kredit ajratildi. Bugungi kunda bank yuritayotgan hisobotlarga ko‘ra ushbu agrofirmalarda 132 ming boshdan ziyod quyonlar ko‘paytirib kelinmoqda.

Ushbu memorandum samarasi o‘laroq, joriy yilning 2 avgust kuni “Mikrokreditbank” ATB tashabbusi bilan Italiya quyon yetishtiruvchilar assotsiatsiyasi hamkorligida Buxoro viloyati hokimligi binosida quyonchilikni sanoat usulida rivojlantirishga bag‘ishlangan seminar tashkil etiladi. Unga respublikada faoliyat yuritayotgan quyonchilik agrofirmalari rahbarlari, soha mutaxassislari taklif etilgan. Seminarda Italiya quyon yetishtiruvchilar assotsiatsiyasi rahbari Doktor Mishel Shiavitto ma’ruza qilgan xolda sohadagi tajribasi bilan o‘rtoqlashadi.

Ushbu seminarda quyonlarni boqish texnologiyalari, aholi va tadbirkorlarga nasldor quyonlarni sun’iy qochirish va uzluksiz veterinariya xizmatlari ko‘rsatish tarmog‘ini kengaytirish, quyonchilik mahsulotlarini yetishtirish,quyonchilik genetikasi, ko‘payishi va fiziologiyasi, quyon go‘shti va mo‘ynachilikga moslashtirilgan yangi quyon zotlari, ularni urug‘lantirish uchun tegishli vositalar taqdimoti namoyish etiladi.

Shuningdek, seminar anjumanida O‘zbekistonda tashkil etilgan agrofirmalarda erishilgan natijalar, ularni yanada rivojlantirish va mavjud muammolarni hal qilish yuzasidan yechimlar izlanadi.

Bank matbuot xizmati