“Mikrokreditbank”: har bir murojaat eʼtiborda

Oʼtgan davrda “Mikrokreditbank” АTB Boshqaruvi tomonidan aholi va tadbirkorlarning murojaatlarida qayd etilgan muammolarini hal etish, ularga yaqindan yordam berish va moliyaviy xizmatlar koʼrsatish maqsadida bir qator ishlar amalga oshirildi.

Jismoniy va yuridik shaxslardan jami 5905 ta murojaatlar kelib tushgan. Ularning 4488 tasi kredit, 105 tasi terminal va plastik karta, 31 tasi omonat va nafaqa, 19 tasi ishga joylashish, 55 tasi hisobraqamlar ochish va yopish, 22 tasi debitor va kreditorlik qarzdorliklar, 45 tasi bank faoliyatiga oid takliflar, 288 tasi kredit muddatlarini uzaytirish va 598 tasi boshqa masalalar bilan bogʼliq murojaatlarni tashkil etdi.

Oʼtgan davr mobaynida Boshqaruvga kelib tushgan jami 4488 ta murojaatlarning 1997 tasi bankning mintaqaviy filiallari bilan birgalikda ijobiy hal etilgan boʼlsa, 2491 tasiga huquqiy maʼlumotlar berildi.

Bundan tashqari, aholi va tadbirkorlar tomonidan yuqori idora 2019 yil davomida 48 ta sayyor qabullar tashkil etilib, aholi va tadbirkorlar tomonidan koʼtarilgan masalalar oʼrganib chiqildi hamda tegishli muammolar joylarda oʼz yechimini topdi.

Har bir muammoli murojaatlarning ijrosi yuzasidan tegishli masʼullar biriktirilgan holda aksariyat murojaatlar joyida amaldagi qonunchilikka muvofiq uzil-kesil hal etildi.

Axborot xizmati