“Mikrokreditbank” АTB yoshlarga oid davlat siyosati dasturi boʼyicha hududlarda yoshlarni tadbirkorlik va kasbga oʼrgatish, biznes-reja tuzish, ishga tushgan loyihalar bilan tanishtirish koʼnikmalarini oshirishga oʼz hissasini qoʼshib kelmoqda.
Jumladan, bugun Sirdaryo viloyati Guliston shahar, Navoiy shox koʼchasi 25-uy manzilida yangi tadbirkorlik markazi – “Mega media 767” MChJ oʼz faoliyatini boshladi.
Ushbu loyihani yoʼlga qoʼyish uchun yosh tadbirkor B.Gʼulomovga “Yoshlar – kelajagimiz” jamgʼarmasining resurs mablagʼi hisobiga “Mikrokreditbank” Sirdaryo viloyati Аmaliyot boʼlimi tomonidan toʼqimachilik buyumlari va moʼynali kiyimlarni yuvish va kimyoviy tozalash (ximchistka) uskunalari sotib olish uchun 12 oy imtiyozli davr bilan 5 yil muddatga 650,0 mln. soʼmlik imtiyozli kredit mablagʼi ajratildi. Natijada hududdagi 5 nafar yosh xotin-qizlarning bandligi taʼminlandi.
Tadbirda ishtirok etganlar kelgusida bu kabi amaliy ishlarni davom ettirgan holda, bugungi kunda yoshlarga, ayniqsa, ishsiz yoshlarni ish bilan taʼminlash masalasiga alohida eʼtibor berilishi taʼkidlashdi.
Bank axborot xizmati
See also
Work being carried out by Microcredit Bank to ensure employment and reduce poverty
BRIEFING WILL BE HELD IN SYRDARYA
